Que vos
parece que fagamos un percorrido polas 4 provincias galegas?
Alguén se
marea?
Recomendamos
que collades unha mochiliña con: auga, uns froitos secos para o camiño, "Biodramina"
de precisala e moitas moitas ganas de pasalo ben.
Viaxaremos
durante a semana e os venres faremos a nosa particular "parada" para
coñecer máis o que se agocha tras cada provincia.
Hoxe, despois
de case 100km de autobús dende o Chouzo,
será o día de adentrarnos en Ourense! Trouxestes traxes de baño? (Ides
precisalo)
Este é o
mapa de Ourense:
Ten
fronteiras con Pontevedra, Lugo, Portugal, Zamora e León.
Ten o
entroido máis longo de Galicia festexado no triángulo máxico formado por Xinzo
de Limia, Laza e Verín.
Pero sobre
todo é a provincia coñecida como a capital termal de Galicia.
Sabíalo?
Propoñémosche
que nos deixes en comentarios se algunha vez estiveches nas súas termas e se
lle recomendas a experiencia aos demais.
A
explicación a que Ourense teña estas augas termais remóntase ao tempo dos
romanos.
Se che
interesa saber máis sobre a vida dos romanos en Ourense e como esta cidade se
foi levantando e convertendo no que hoxe coñecemos, recomendámosche que vexas
este programa da CRTVG, é realmente visual e interesante.
E para rematar,
sabias que en Ourense se inventou algún dos xogos tradicionais galegos máis
populares como o da chave?
Aquí queda
un recompilatorio de moitos deles para que xoguedes nas vosas casas estes días.
Se xogades,
por favor, mandádenos unha foto vosa en marcha. Queremos ver dende os máis
peques ata os máis maiores movendo eses corpiños xeitosos.
Esperamos as
vosas imaxes con ilusión.
No hay comentarios:
Publicar un comentario